'n Geloofsgemeenskap in die mooie Tuinroete van die Suid-Kaap. Ons wil saam op 'n reis wees waarin ons al hoe meer leef met die oortuiging dat die lewe net oor liefde gaan. Liefde vir God en mense. Ons glo dat die volmaakte Leermeester van die Liefde deur sy lewe op aarde vir ons 'n voorbeeld kom stel het sodat ons in sy voetspore mense van liefde kan word.

Ons kom saam met die begeerte om te verdiep in ons liefde en toewyding. Ons glo dat iets kragtig gebeur wanneer 'n gemeente saamkom om te aanbid en ons lewens oop te stel om deur lering en verkondiging aangespreek te word. Die samekoms van die gemeente vir hierdie doel sal nooit uitgedien raak nie. Ons beywer ons daarom om diep en sinvolle dienste te beplan en met die hulp van die Heilige Gees glo ons dat jy dit in ons dienste sal beleef dat ons liggaam van Christus is en ook tempel van die Heilige Gees.

In-persoon dienste
Sondae 09:00
Kinderkerk 09:00

Tieners kom in 09:00 ouditorium bymekaar en verdaag dan na hul verskeie lokale

Desember Dienstye:
Sondae 09:00
Kerssangdiens: Sondag 8 Desember 18:30
Kersdag: Woensdag 25 Desember  08:00 & 09:30

Geen Kinderkerk vanaf 8 Desember tot 12 Januarie - Heropen weer Sondag 19 Januarie
Geen Tienerbyeenkomste vanaf 8 Desember tot 12 Januarie - Heropen weer Sondag 19 Januarie

Aanlyndienste
Sondae  09:00

Eden Gemeente het vriende, belangstellendes, en aanlynlidmate oor die hele wêreld. Ons is bly jy wil saam met ons reis. Jy is welkom om op Sondae in te skakel wanneer ons die diens lewendig stroom. Daarna is dit ook beskikbaar om op jou eie tyd te kyk. Gebruik gerus hierdie skakel.